Добри вести за љубителите на лута храна – истражувачите од колеџот за медицина Ларнер, при Универзитетот во Вермонт откриле поврзаност помеѓу јадењето на лути пиперчиња и живеењето подолго.
Според извештајот, професорот по медицина Бенџамин Литенберг и медицинскиот студент Мустафа Чопан анализирале една 23 годишна национална анкета за здравје и исхрана која опфаќала 16 000 Aмериканци и забележале 13% намалување во тоталниот морталитет кај оние кои постојано јаделе чили пиперчиња.
Иако Литенберг и Чопан признаваат дека јадењето на лута храна е далеку од дефинитивната причина за намалувањето на морталитетот, тие веруваат дека таа може да послужи како превенција од смртните случаи поврзани со прекумерната тежина. Авторите на извештајов исто така веруваат дека капсицинот, т.е активната состојка која ја има во црвените чили пиперчиња, дејствува како антимикробен и помага во борбата против бактериите и вирусите во телото.
Чопан вели дека студија со црвени чили пиперчиња би требало да се искористи за некое идно истражување во форма на клинички тестови, чии резултати потенцијално би ни помогнале да живееме подолго.