Dave’s Kitchen: Торта со ресана без печење

Добро познатата торта со ресана која се подготвува многу брзо и што е најважно, е без печење!

Вклучете го целото семејство оваа недела во подготовката, најмногу на тоа ќе се израдуваат најмладите.

Потребни состојки:

• 1 кг. ресана
• 200 гр. млеко
• 200 гр. исечкани ореви
• 250 гр. путер
• 2-3 лажици рум
• 300 гр. слатка павлака

Начин на подготовка:

Исечкајте ги ресаните на четири дела и попарете ги со топлото млеко и путер. Потоа додадете ги исечканите ореви и малку рум.

Добиената смеса се обликува во вашата омилена форма. Давор овој пат направи векна и парчињата ги сечеше под агол од 45 степени, но обликувањето е по Ваша желба. Целата торта премачкајте ја со изматената слатка павлака. По желба декорирајте ја со листови бадеми и рендано чоколадо.

Повеќе рецепти од кујната на Давор пронајдете на неговата FB страна Dave’s Kitchen.