Оние кои обожаваат месо, ќе го обожаваат и овој рецепт подготвен со свинско месо.
Потребни состојки за 4 порции:
- 4 свински котлети со дебелина од околу 2см
- 2 средни компири
- 100гр кашкавал
- 50гр сирење
- 3 лажици растопен путер
- сол и бибер
Начин на подготовка:
Загрејте ја рерната на 200°С, а во свинските котлети направете „џеб“ за полнење. Излупете ги компирите и исечете ги на многу тенки парчиња. Компирите измешајте ги со изренданиот кашкавал, сирење, сол и бибер, па потоа на смесата ставете и го растопениот путер.
Откако ќе ја направите смесата, наполнете ги котлетите. Печете го месото 40-50 минути, во тава за печење која претходно сте ја намрсиле со путер.
Ова главно јадење може да го консумирате заедно со некој сос и салата. Пријатно јадење!