Не постои еден вид на храна кој ќе го промени изгледот на косата, но исхраната може многу да влијае на нејзиниот раст и цврстина. Еве како одредени типови храна влијаат на тоа:
1) Кафеав ориз
Продуктите од цели зрна содржат силикон кој е важна компонента одговорна за растењето и сјајот на косата. Овој минерал го спречува истенчувањето на влакната и ја подобрува циркулацијата на крвта – што значи повеќе крв доаѓа во скалпот, што овозможува здраво растење на косата.
2) Каранфилче
Каранфилчињата кои што се додаваат во храната содржат флавоноиди кои се поврзани со продолжување на фазата на растење на фоликулите на косата.
3) Јајца
Јајцата се одличен извор на Б витаминот биотин. Биотинот ги стимулира новите клетки и повторното растење на отпаднатата коса. Сè уште не е утврдено дали суплементите со биотин или користење на шампони или други продукти за коса дава резултати како и биотинот кој се внесува преку исхраната, така што за секој случај осигурајте се да го внесувате преку јајцата, зеленчукот или тестенини од цели зрна.
4) Месо од добиток хранет со трева
Ваквото месо е богато со железо и L-lysinе, две хранливи компоненти кои влијаат на здравјето на косата. Истражувања покажале дека жени кои пателе од губиток на косата имале подобрувања по терапија која ги вклучувала овие компоненти, а сè повеќе станува познат и фактот дека недостатокот на железо се поврзува со губење на косата.
5) Сусам
Oвие малечки зрнца се богати со магнезиум, минерал кој докажано ги елиминира воспаленијата поврзани со губење на косата. Тој исто така игра важна улога во растењето на клетките и нивната поделба и созревање, што значи дека исхрана богата со магнезиум ќе влијае на создавањето на здрава и силна коса.