Ѓомлезето се прави исклучиво под вршник и на традиционален начин.
Потребни состојки:
- 2, 5 кг брашно
- 1,5 – 1, 7 л вода
- Сол
- Mасло и свинска маст за премачкување
Начин на подготовка:
Се прави смеса од брашно, вода и сол. Смесата треба да биде како онаа за палачинки, количински во зависност која тава ќе ја користите.
Тавата се премачкува со масло и свинска мас (пола- пола) и се става од смесата за да се покрие целата тепсија.
Тавата се става во вжештениот вршник и се пече да се зацрви малку. Потоа кората се премачкува со масло и свинска маст, па се става нова тура од смесата, слој да ја покрие тавата.
Постапката се повторува додека не се потроши целата смеса.
На крај се сече пред да се запече последната кора , се премачкува со масло и свинска маст и се става под вршник со жар и одоздола и од горе. Се остава околу 20-30 минути убаво да фати боја.
Повеќе рецепти од кујната на Давор пронајдете на неговата FB страна Dave’s Kitchen.
