За да ја вратите енергијата во себе, но и да ја задоволите желбата за благо, направете вкусен и здрав путер од сусам. Освен тоа, овој путер е богат со витамин В, магнезиум, фосфор, калциум, железо и здрави масни киселини. Путерот од сусам го носи називот „тахини“, а е мошне едноставен за припрема.
Потребни состојки:
- половина филџан сусам
- 2 лажички маслиново масло
- сок од лимон
- морска сол
- по желба: какао или чоколадо
Начин на подготовка:
Испржете го малку сусамот околу 10 минути, мешајќи постојано да не загори. Кога малку ќе се олади ставете го во блендер и додадете го маслиновото масло, неколку капки сок од лимон и малку морска сол, а потоа миксајте додека не ја добиете посакуваната густина.
По желба, може да додадете и половина лажичка какао или црно чоколадо, за путерот да биде поблаг. Тахинито може да го мачкате на леб, да го јадете со бисквити или во комбинација со мед или џем.