Желбата за благо никогаш не можеме да ја задоволиме, па токму затоа постојано посегнуваме по нешто слатко. Но, за да биде тоа некоја поздрава варијанта, ви предлагаме да направите вкусни рафаело бомбици без грам шеќер.
Потребни состојки:
- ½ шолја какао во прав
- 4 лажици млеко
- 2 лажици течна стевија
- 4 лажици растопено кокосово масло
- ½ шолја незасладени кокосови трошки
Начин на подготовка:
Растопете го кокосовото масло во чинија. Додајте ја стевијата и какаото за сѐ да се соедини. Додадете го млекото и добро измешајте ги сите состојки. По мешањето, смесата треба да биде слична како пудинг. Обликувајте мали топчиња и потоа обложете ги со кокосовите трошки. Пред да ги послужите, ставете ги два часа во фрижидер да стврднат.