Ако чајот го користите само за пиење, пропуштате многу вкусни кулинарни можности. Многу познати готвачи ги користат листовите од чај како зачини и всушност тоа е и тајната во нивниот единствен рецепт. Неколку тајни со чај, ни открива американската готвачка Диен Хендрикс, која му приоѓа на готвењето на мошне уникатен, здрав и креативен начин.
Варете ја пастата со чај
Кога правите паста, ориз, рижото или некое јадење со овесно брашно, кое традиционално се готви во вода, изберете некој чај кој одговара со јадењето. Ставете го во водата откако таа ќе зоврие. Може да изберете калинка, праска, ментол и лимон. Ако сакате да пробате, згответе ориз во вода заедно со чај од лимон и оттогаш ќе заборавите на обичното готвење на оризот.
Додадете го во вашето смуди
Сварете си од омилениот чај, оставете го да се излади и замрзнете го во калапи за мраз. Следниот пат, кога ќе правите смуди, искористете ги тие коцки мраз наместо обичниот мраз. Може да пробате јагода, лаванда, ментол или зелен чај.
Зачинете ја супата
Додадете неколку ливчиња чај со сите останати зачини додека ја варите супата. Најмногу се препорачува зелен чај, но и чајот од лимон, камилица и нане се исто така убави и и даваат интересен шмек на супата.
Измешајте во маринада
Кога го подготвувате место во маринада, покрај зачините, билките, маслото додајте и чај од шумско овошје или ѓумбир. Не се ограничувајте со вкусовите, мешајте и испробувате, советува Диен.