Покрај вообичаеното сончогледово масло, за готвење и за додаток во храната се користат уште многу други видови, кои знаат да се значително поздрави од него. Секое од нив, покрај вкусот, има различни карактеристики, а важно е да се знае колку врело секое може да стане пред да почне да чади.
Еве како и за што се користат разните видови на масла за готвење:
1) Обично/лесно (Light) маслиново масло
Има поредок вкус и боја од ладно цеденото (extra virgin) маслиновото масло, но не и помалку калории од него.
Точка на чадење: 215 °C.
За што е добро: интензивно и нормално пржење, печење месо, премачкување по готвењето
За што не чини: користење во фритеза
2) Extra Virgin (ладно цедено) маслиново масло
Точка на чадење: 160 °C
За што е добро: пржење, маринирање, прелив за салата, премачкување по готвењето
За што не чини: користење во фритеза, печење месо, печење тестенини
3) Масло од кокос
Цврсто на собна температура, маслото од кокос е слично на путерот и е одлично за јадења на кои им треба малку „тропски“ вкус.
Точка на чадење: 176 °C
За што е добро: печење месо и тестенини, супи, карија
За што не чини: премачкување по готвењето, прелив за салата
4) Масло од грозје
Го нарекуваат и „Ролс Ројс од маслата“ и е чисто, неутрално и има висока точка на чадење, што го прави едно од најдобрите масла за готвење.
Точка на чадење: 200 °C
За што е добро: пржење, прелив за салата, печење месо
За што не чини: користење во фритеза
5) Ленено масло
Ова масло претежно се користи во лековите и е познато по тоа што е добро за здравјето на срцето.
Точка на чадење: 107 °C
За што е добро: прелив за салати, премачкување по готвењето
За што не чини: преголема количина и дава на храната чуден, непријатен вкус
6) Масло од сусам
Маслото од сусам често се користи за подобрување на вкусот на Азиската кујна, а се дели на светла и темна варијанта – светлата се користи за лесно пржење, додека темната за готвење на помала температура.
Точка на чадење: 176 до 210°C
За што е добро: пржење со мешање, маринади, преливи за салати, сосови, супи, премачкување по јадењето
За што не чини: користење во фритеза, печење тестенини
7) Сончогледово масло
Одличен избор на витаминот Е, сончогледовотo масло издржува голема топлина и има неутрален вкус. Кај нас и во источноевропските земји вообичаена е нерафинираната верзија.
Точка на чадење: 226°C
За што е добро: користење во фритеза, преливи за салати, печење тестенини
За што не чини: премачкување по готвењето, готвење на мала температура.