Гордон Ремзи е најпознатиот светски готвач, кој веќе седма година снима шоу „The F Word“. Токму пред започнувањето на новата сезона на ова шоу, тој реши со сите гурмани да сподели одредени тајни за исхраната. Неговите совети вредат многу, затоа што има огромно искуство ем со храната ем со рестораните, како сопственик на ланец ресторани.
Кој е протоколот ако се послужи лошо јадење?
-Муштеријата е крал. Ако ви донесат лошо јадење, ноќта кога специјално сте излегле на вечера, веднаш кажете му на келнерот за да може да си ја поправат грешката сега и во иднина. Исто така, многу е важно и да го пофалите доброто јадење и услугата. Немојте да сте срамежливи при делењето на комплименти.
Дали е добро да го прашаме келнерот за препорака?
Зависи од ресторанот, но келнерите ги имаат пробано речиси сите работи од менито, но и може да ви кажат што му е новитет на готвачот и што сакаат да јадат локалните жители. Лично, сум добил многу добри препораки.
Што не треба никогаш да нарачуваме во ресторан?
Прашајте која била супата (јадењето) на денот пред денешниот специјалитет. Можеби ќе излезе дека тоа всушност е јадење на месецот.
Дали менијата за Денот на вљубените се само измама?
Тоа е најлошиот ден да излезете во ресторан. Готвачите се презафатени со милион вечери, па воопшто нема да уживате во реалноста на ресторанот. Затоа, гответе дома за Денот на вљубените. Зарем има нешто поромантично од тоа да си готвите со партнерот заедно додека пиете вино?
Дали е табу тема да нарачате добро подготвен стек?
Проблемот со претерано зготвените меса е тоа што не го доловуваат вистинскиот вкус на месото и неговата посебна текстура, па затоа добро е да ги слушате препораките на готвачот или секогаш да потенцирате како зготвено да ви биде месото.
Кој е најапсурдниот мит кој те полудува?
Дека секој си мисли дека може да има или да управува со ресторан.