Сигурно досега сте слушнале дека морковот и останатите портокалови овошја и зеленчуци го заштитуваат видот и подобруваат здравјето на очите – што е точно, бидејќи бета-каротенот кој го содржат е провитамин кој во телото се трансформира во витаминот А, кој и помага на ретината и останатите делови од окото правилно да функционираат.
Но, не само бета-каротенот, туку и многу други витамини и минерали се есенцијални за здрав вид. Еве неколку видови на храна кои е пожелно да ги внесувате за да го одржувате неговото здравје:
1) Лиснат зеленчук
Oвој вид на зеленчук е богат со лутеин и зеаксантин – антиоксиданси кои, според одредени студии, го намалуваат ризикот од развивање на макуларна дегенерација и катаракти.
2) Јајца
Жолчката од јајцата е примарен извор на лутеин, зеаксантин и цинк.
3) Цитрус и бобинки
Овие овошја се богати со витамин Ц, кој докажано го редуцира ризикот од развивање на макуларна дегенерација и катаракти.
4) Бадеми
Бадемите се богати со витамин Е кој ја забавува макуларната дегенерација, а една шака бадеми содржи половина од потребната дневна доза од овој витамин.
5) Помасни риби
Туната, лососот, скушата и пастрмката се богати со DHA, масна киселина која се наоѓа во ретината на окото, и чие намалено ниво може да предизвика синдром на суво око.