Рецепт за меки переци вкусни како оригиналните

Меките переци се одлични за појадок или закуска. Ги обожаваат и младите и повозрасните, па време е да се потрудите да ги направите.

Потребни состојки:

• 300мл топла вода
• 1 лажица сол
• 1 лажица шеќер
• 7гр сув квасец
• 900гр брашно
• 3 лажици масло
• 120гр сода бикарбонат
• 2 жолчки од јајце
• крупна морска сол за посолување

Начин на подготовка:

Загрејте ја рерната на 230°С. Во стаклен сад измешајте ја водата, ситната сол, шеќерот и квасецот. Оставете ја смесата да отстои околу 5 минути додека квасецот не зоврие. Додавајте го брашното и двете лажици масло додека не добиете тесто.

Извадете го тестото, а садот намачкајте го со преостанатото масло, па потоа вратете го тестото во садот. Покријте го со пластична фолија и оставете го тестото еден час да се дигне.

По еден час, поделете го тестото на осум делови. Развлечете го секој дел во долга трака, за на крај да направите облик на перек.

Загрејте лонец со вода и во неа ставите сода бикарбонат. Секој перек ставајте го во зовриената вода околу 30 секунди, па префрлете ги во тава на која претходно сте ставиле хартија за печење. Премачкајте ги переците со жолчка и посолете со крупна морска сол.

Печете во рерна околу 10-15 минути додека не добијат златна нијанса.