Сите сме ја искусиле ситуацијата кога баш пред да почнеме да вежбаме ќе ни се појават стомачни тегоби. Иако понекогаш се работи за вирус, често пати причината за тоа е храната која што сме ја изеле.
Бидејќи кога вежбаме телото не ја користи енергијата за варење на храната, тој процес е значително забавен и може да предизвика проблеми пред и за време на вежбањето.
Еве што да избегнувате да јадете пред вежбање:
1) Протеински шејкови и барови
Иако протеинот е одличен за опоравување по напорниот тренинг, тој е тежок за обработување доколку го испиете пред вежбањето. Бидејќи се вари бавно, доколку испиете протеински шејк помалку од 3 часа пред тренингот, можат да се појават стомачни тегоби, а истото важи и за протеинските барови.
2) Млеко
Истата причина како и за протеинските шејкови и барови – содржи голема количина на протеин и масти, кои бавно се варат.
3) Житарки богати со влакна
Житарки преполни со јаглехидрати звучат како одличен избор на храна за пред вежбање, но како и протеинот и тие се варат бавно. Како алтернатива, може да јадете житарки кои се богати со јаглехидрати, но не и со влакна, како што е овесот.
4) Салати
Зеленчукот кога не е зготвен има повеќе растителни влакна, но и ензими чии клеточни ѕидови се сè уште цврсти, што значи на телото му треба повеќе енергија за да ги свари, што предизвикува дигестивни проблеми пред и за време на вежбањето.