Кога печеме кременадли, многу често ги пресушуваме и воопшто не се вкусни.
Се трудиме да им додадеме доволно вода и зачини, но некако не излегуваат како што очекувавме. За да не се разочарате следен пат, пробајте го следниот рецепт за сочни свински кременадли.
Потребни состојки:
- 2 парчиња свински кременадли
- 2 лажици маслиново масло
- 2 гранчиња рузмарин
- сол и бибер по желба
Начин на подготовка:
На свинските кременадли втријте го маслиновото масло, солта и биберот, па оставете ги да се маринираат најмалку половина час. Загрејте ја рерната на 200°С. Пред да ги ставите во рерна, попржете ги малку на загреано масло. Потоа ставете ги во тава за печење и додадете го рузмаринот. Печете го месото уште 10 минути додека не зарумени.
Пријатен апетит!