Ова недела од кујната на Давор го имаме идеалниот рецепт за сите оние кои сакаат десерти со шербет.
Потребни состојки:
- 3 филџани гриз
- 1 квасец
- 3 филџани зејтин
- 3 филџани вода
- 1 ванила
- 1 пециво
- 2 лажици какао
- брашно по потреба
За шербет:
- 700 гр шеќер
- 700 гр вода
- 1 ванила
- сок од 1 лимон
Начин на подготовка:
Од првите состојките се меси тесто. По потреба се додава брашно додека не се добие убаво тесто за работа. Се дели на два дела и во едната половина се додава какаото и потоа се меси додека не се добие хомогена смеса. Во следната фаза се рaсукува кора во правоаголен облик и од белото и од црното тесто. Се ставаат едно врз друго и се виткаат во ролат. Се сечат кругови и се печат во тавче на 130-150 степени додека не заруменат.
За да го подготвите шербетот, во тенџере на оган зовријте ги сите состојки и оставете да вријат околу 5 минути.
Откако сте ги испекле полжавчињата оставете ги малку да се изладат и потоа врз нив полејте го врелиот шербет. За полесно да го впијат шербетот се препорачува приготвените полжавчиња да се прекријат со алуминиумска фолија.
Повеќе рецепти од кујната на
Давор пронајдете на неговата FB страна
Dave’s Kitchen.