Овој четврток е резервиран за вкусен рецепт од кујната на Давор и Dave’s Kitchen.
Доколку штрудла со џем ви звучи примамливо тогаш прочитајте го рецептот и фатете се за работа.
Потребни состојки:
- 500 гр. брашно
- 1 лажичка прашок за печиво
- 4 лажици шеќер
- 20 гр. свеж квасец
- 300 мл. млако млеко
- кора од 1 портокал
- 1 пакетче ванилин шеќер
- прстофат сол
- 70 гр. омекнат путер
За премачкување:
За филот:
Начин на подготовка:
Во длабок сад ставете го брашното, прашокот за печиво, шеќерот, кората од портокал, прстофат сол и ванилиниот шеќер. Со помош на вилушка добро промешајте ги овие состојки, а потоа додадете го квасецот, млекото и омекнатиот путер. Замесете убаво меко тесто од овие состојки и оставете го тестото да стаса околу 60-70 минути.
Поделете го стасаното и размесеното тесто на три еднакви делови и секој дел расукајте го во правоаголна форма. Секој од деловите премачкајте го со по 3 лажици од џемот и свиткајте го во ролат. Од трите ролати направете плетенка и големата плетенка свиткајте ја во круг во форма на полжав. Оформената штрудла ставете ја во округло тавче на механизам со пречник од 26цм и оставете да стаса околу 30 минути.
Пред печење штрудлата премачкајте ја со изматеното јајце и испечете ја во загреана рерна на 180 степени околу 30-40 минути. Сервирајте со шеќер во прав.
За повеќе рецепти од кујната на Давор можете да погледнете на неговата ФБ страница Dave's Kitchen