Медузите баш и не се идеално јадење – тие се лигави, немаат вкус, а можат и да се екстремно отровни.
Но, поради зголемувањето на популацијата и потребата да се намали производството на месо и останатата храна која побарува трошење на премногу енергија за да се произведе, човештвото ќе мора да стане креативно кога станува збор за храна.
Се испоставило дека медузите се примарен кандидат за храна на иднината бидејќи ги има во огромен број во океаните, а поради климатските промени кои ги прават океаните потопли и покисели ќе ги има во уште поголем.
Тим дански истражувачи создал метод за претворање на овие животни во крцкав чипс за само неколку дена, различно од традиционалните методи на подготовка кои многу азиски земји ги користат, а тоа е нивно маринирање со недели во сол и калиум.
Користејќи двофотонски микроскопи, данскиот тим проучувал како филаментите (влакнестите структури) од кои е сочинета медузата се менуваат кога животните се претвораат од меки и гумени во цврсти и крцкави.
Потоа креирале чипс од медуза кој имал крцкава структура и кој во иднина би бил алтернатива на чипсовите од компир во поглед на вкусот, со таа разлика што во споредба со нив би биле далеку поздрави бидејќи медузите се богати со разни хранливи состојки како витаминот Б12, магнезиум и железо, а имаат малку калории.