Овој вторник нешто ново од Давор и Dave`s Kitchen. За сите оние кои сакаат да се забавуваат додека готват Давор има одлични совети за тоа како готвењето да не ви биде повеќе обврска туку задоволство.
1. Тестенини во различни бои
Бидете поинакви и подгответе мулти колоритна паста за следниот ручек. Ова, особено ќе биде интересно и забавно за децата, а и со сигурност нема да го одбијат оброкот доколку видат нешто ново и шарено. Пастата можете да ја обоите така што, сварените шпагети или макарони ќе ги поделите во неколку сада (во зависност колку бои ќе користите) и ќе ги обоите со прехранбена боја. Потоа во еден поголем сад ќе ги споите и ќе го полеете вашиот омилен сос.
2. Пржење јајца во прстени од пиперка
Ви се смачи од подготовката на пржени јајца на еден ист начин и сакате да испробате нешто ново? Тогаш овој совет ќе ви биде добредојден. Исечете неколку парчиња пиперка или пак прстени од кромид и ставете ги да се загреат во тава на малку путер. Искршете ги јајцата директно во прстените пиперка или кромид, зачинете и поклопете со капак. Ова е и одличен начин за тоа како повеќе да консумирате зеленчук.
3. Омекнете го путерот на брзина
Колку би било совршено утрото доколку започне со лепче премачкано со путер и домашен џем од кајсија. Понекогаш ова задоволство ни го спречува путерот кој е премногу стегнат поради тоа што го чуваме во ладилникот. Сепак, постои начин како да си го направите задоволството – француски појадок. Изрендајте го путерот на најситниот дел од рендето и тогаш премачкајте го на лебот.
За повеќе идеи за тоа што вкусно да подготвите, посетете го ФБ профилот на Давор , Dave’s Kitchen.