Доколку имате состојба како Кроновата болест и мора да го избегнувате глутенот, обрнете внимание на оваа храна која треба да ја избегнувате, а за која никогаш не би претпоставиле дека го содржи:
1) Кисели краставички
Во процесот на ферментација кој се користи за краставичките се користат некои форми на оцет добиени од јачменов слад, кои за разлика од другите не се дестилирани што значи дека глутенот е сè уште присутен и во крајниот продукт.
2) Виршли и други колбаси
Доколку на етикетата не пишува дека немаат глутен, тогаш не претпоставувајте дека го нема. Иако рецептите за овие продукти варираат, голем дел од нив вклучуваат трошки леб.
3) Помфрит
Доколку самите не го правите дома туку го нарачувате во сендвичара или ресторан, никогаш не можете да сте сигурни дали во истата фритеза не биле пржени и други продукти како прстени кромид, пилешки грутки, парчиња риба или било каква друга храна премачкана со презли, освен ако ресторанот нема фритеза наменета исклучиво за безглутенска храна.
4) Супи
Супите со пилешко и кнедли може да се безглутенски, но доколку тоа не е пишано на етикетата, најверојатно го содржат. Многу супи се згуснувани со брашно или содржат состојки со глутен како што се нудли. Ова важи и за свежите супи или за оние во кесички/конзерви.
5) Чипс
Чипсот, особено оној со разни зачини, најверојатно содржи глутен. Некои рецепти го користат и оцетот кој се употребува и за ферментирање на краставичките.
6) Пиво
Многу традиционални стилови за правење пиво вклучуваат пченица и/или јачмен во процесот. Меѓутоа, на пазарот може да се најдат и пива со редуциран глутен, како и онакви кои воопшто не го содржат.