Балансираната исхрана воопшто не треба да значи да јадете храна во која не уживате, во количини кои не ве најадуваат. Еве разни начини како тоа да го постигнете без храната да ја гледате како непријател:
1) Не ги исфрлајте целосно јаглехидратите, туку јадете цели зрна
Исфрлете ги јаглехидратите како тестенини од обично брашно и внесувајте леб и тестенини од цели пченични зрна, кафеав ориз, овес и сл.
2) Не ја исфрлајте омилената храна, туку пригответе ја на друг начин
Доколку уживате во разна пржена храна, не ја исфрлајте комплетно туку варете ја, печете ја или гответе ја на пареа (со што ќе содржи значително помалку маснотии и повеќе хранливи материи).
3) Јадете побавно
Побавното јадење ќе ви помогне во варењето на храната и ќе ви овозможи да сфатите кога сте сити.
4) Намалете со алкохолот
Иако алкохолот содржи т.н „празни калории“, доколку не е неопходно (по препорака на доктор) не мора комплетно да го исфрлите од исхраната.
5) Не јадете цела кеса чипс одеднаш
Иако генерално се препорачуваат поздрави „грицки“ (бадеми, ореви, семки од сончоглед/тиква и сл.), доколку се решите да јадете чипс, ништо страшно, но не ја јадете цела кеса одеднаш, туку помала количина.
6) Купувајте продукти со помалку натриум
Препорачаната доза натриум е 2300mg дневно, така да купувајте ги вашите омилени продукти, но во верзија која содржи помалку натриум (доколку таква постои).