Без разлика дали лежите или работите од дома доцна навечер, сигурни сме дека сте огладнеле во доцните часови и сте се мислеле дали да јадете нешто пред да си легнете.
Од една страна, премногу храна може да му смета на спиењето, но од друга истото се случува и доколку сте гладни.
Затоа, нутриционистите препорачуваат малечок оброк од околу 150-200 калории, кој треба да е мешавина од јаглехидрати, протеин и маснотии – работи кои бавно се варат и кои нема нагло да го кренат нивото на шеќерот во крвта, кое откога (нагло) ќе се намали ќе ве направи повторно гладни.
1) Пуканки
Пуканките имаат многу малку калории – секако, доколку не им додадете „еден тон“ путер.
2) Јагоди и темно чоколадо
Неколку парчиња темно чоколадо во комбинација со јагоди е доволно да го угаси поривот за нешто слатко во доцните часови. Се препорачува околу 28gr. чоколадо со половина шолја јагоди, бидејќи темното чоколадо содржи и кофеин па не смее да се претерува со него.
3) Кефир
Шолја кефир во комбинација со ванила или цимет има околу 100 калории и 8 грама протеин – идеално како за пред легнување.
4) Ф`стаци
Ф`стаците содржат здрави маснотии и влакна, а и заситуваат, па се идеални за грицкање доцна навечер. Доколку пак се јадат по обемен оброк (како вечера), помагаат во редуцирање на накачувањето на шеќерот во крвта.
5) Кашкавал и овошје
Ваквиот оброк нуди баланс помеѓу јаглехидрати, маснотии и протеини, а овошјата се богати и со растворливи влакна кои го забавуваат варењето.
6) Банана
Бананите се богати со калиум кој помага за смирување на мускулите (особено по физички напорен ден).
7) Хумус и моркови
Хумус во комбинација со моркови (или зеленчук во ваш избор) е одличен оброк кој заситува но не е претежок, а е добра комбинација од протеин, маснотии и јаглехидрати. Хумусот содржи и триптофан, кој помага за смирување што пак води до подобар сон.