Колагенот е состојка направена од долги ланци амино киселини, исто како и сите останати протеини. Тој е најзастапен од сите протеини во нашето тело: го има во сите сврзни ткива, мускулите, коските, кожата, дигестивниот тракт и др.
Аминокиселините од кои што е направен не се создаваат во телото, туку мора да се внесуваат преку исхраната.
Покрај тоа што го подобрува здравјето и изгледот на кожата и косата, хидролизираниот колаген (оној во лесно сварлива форма) нуди повеќе здравствени придобивки така што ги намалува воспалувањата, допринесува за подобра дигестија на храната, па дури ја редуцира и болката во зглобовите.
Премногу изложување на сончева светлина, зголемена телесна тежина, дрогите и алкохолот го потиснуваат природното производство на колаген во телото. Поради тоа од огромна важност е да се храниме здраво и балансирано, да сме постојано хидрирани и што е можно повеќе да го лимитираме стресот за да се зголеми неговото производство.
Наједноставен начин природно да се зголеми продукцијата на колаген и да се консумира храна богата со витаминот Ц и антиоксиданси како што се овошјата и зеленчуците со силни бои, како и зелените лиснати зеленчуци.
Дополнителна опција е колагенот во форма на суплементи, кои обично се во форма на прашок и лесно можат да се додадат во супи, смутија и останати пијалаци.