Што се случува кога внесуваме повеќе протеин од дневните потреби на телото?

Протеинот има клучно значење за здравото губење на тежината, создавање на мускули и контролирање на гладот, но што се случува доколку внесеме премногу протеин?

Секој од нас има одредена граница во количината на калории кои е потребно да се внесат дневно за да се одржува тежината. Сè над тоа постепено ќе ја накачи, а сè под тоа ќе ја намали тежината.

Доколку сте изеле помалку од потребната дневна доза калории, протеинот ќе биде конвертиран во глукоза (шеќер) кој се складира за подоцна да го користат мозокот и бубрезите бидејќи тие енергијата не ја добиваат од маснотиите.

Доколку пак сте ја надминале калориската граница, дополнителната енергија ќе биде складирана како

- Телесни маснотии, кои можат да се согоруваат за енергија
- Гликоген, кој може да се согорува за енергија

Дополнителните калории ќе бидат складирани без разлика на тоа дали потекнуваат од јаглехидради, маснотии или протеин, но каде ќе бидат складирани зависи од идентитет на макронутриентите.

Калориите од маснотиите се складираат исклучиво како телесни маснотии, додека пак калориите од јаглехидратите и протеините може да се складираат или како маснотии или како гликоген.

Дополнителниот протеин е сè уште специјален бидејќи телото автоматски не го складира како енергија, туку му се дава приоритет за обновување или градење на мускули и останати структури. Со други зборови, потребно е базично ниво на протеин за да се одржи мускулната маса – сè над тоа ќе биде складирано како енергија.

Препорачаната дневна доза протеин е 0.8 грама на секој килограм телесна тежина. На пример, некој кој што тежи 72 килограми треба да внесе 58 грама протеин дневно за да ја одржува мускулната маса.



Доколку целта ви е губење на тежина, се препорачува внес на помеѓу 0.8 до 1.2 грама по килограм, а доколку сакате да ја зголемите мускулната маса, таа количина треба да е поголема, и тоа:

- за исклучително физички активните луѓе 1.4 – 2 грама по килограм

- за бодибилдери 2.3 – 3.1 грама по килограм

Одредени студии покажале дека внесување над 4.4 грама по килограм не нуди никакви дополнителни придобивки.

Премногу протеин со тек на времето може да ги еродира бубрезите и здравјето на коските, бидејќи процесирањето на протеинот создава токсични нуспроизводи кои бубрезите мора да ги отстранат.

Некои велат дека ова ги ослабува бубрезите и води до хронична болест, но тоа тврдење е контроверзно бидејќи не постојат доволно докази за да се потврди.

Исхраната (пре)богата со протеин создава многу киселини, а телото зема калциум од коските за да ги неутрализира. Со тек на времето, губењето на калциум води до послаби и попорозни коски и здравствени проблеми како остеопороза.

Јадењето, пак, на преголеми количини црвено месо може да доведе до срцеви заболувања, тип 2 дијабетес и одредени видови канцер. Крајниот заклучок е дека доколку немате здравствени проблеми со бубрезите или висок ризик да ги добиете, нема потреба од загриженост, но нема ни потреба од претерување со внесот на протеин.

Најдобро е неговиот внес да се подели во повеќе оброци дневно за да се свари и апсорбира поефикасно, а оброците треба да се балансираат и со здрави масти и комплексни јаглехидрати.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Зошто плавуша седи на радијатор?
- Го влажни воздухот!
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по суви коловози. АМСМ информира дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е...
Верски календар
На денешен ден
1827.- Во Виена умре Лудвиг ван Бетовен,...
1859.- Роден е англискиот писател Алфред Едвард...
1868.- Роден е Ахмет Фауд Паша, кој како Фауд...
1874.- Роден е американскиот писател Роберт Ли...
Хороскоп

Овен Бик Близнаци Рак Лав Девица Вага Скорпија Стрелец Јарец Водолија Риби