Чувството на немање енергија во доцните попладневни часови, како и желбата за јадење доцна во ноќта се знаци дека сте премногу гладни. Ова чувство често може да доведе до прејадување и до постојана битка со преголемата тежина, ситост и нивото на енергија за нормално функционирање.
Кои се најчестите причини за тоа?
1) Прескокнување на појадокот
Разни истражувања покажуваат дека јадење повеќе храна порано во денот промовира ситост и долгорочно одржување на тежината. Со тоа што на телото му даваме „гориво“ наутро, имаме енергија за трошење во текот на денот. Кога ќе го прескокнеме појадокот, телото подоцна е прегладнето.
2) Небалансиран појадок
Повеќето продукти кои се консумираат наутро имаат многу јаглехидрати, како што се гранолата, житарките, палачинките, овошјето и сл. Ваквата храна е одлична за зголемување на енергијата пред вежбање, но доколку ве чека неколку часа канцелариска работа, оваа храна ќе предизвика пад на енергијата поради наглото зголемување и намалување на нивото на инсулин. Додавање на 20-30 грама протеин во појадокот ќе помогне тоа да не се случи.
Балансираниот оброк ќе го промовира хормонот лептин, кој го намалува апетитот и го држи инсулинот под контрола.
3) Не јадете пред вежбање
Оние кои не јадат или јадат премалку пред вежбањето прават неколку грешки со тоа. Прво, ги ограничуваат перформансите кои телото е способно да ги постигне, второ, тренирањето го потиснува грелинот, хормонот кој сигнализира глад – па така по вежбањето, одеднаш се јавува чувство на прегладнетост и трето, калорискиот дефицит може да доведе до прејадување подоцна.
4) Не јадете после вежбање
Телото најдобро ги апсорбира калориите и хранливите состојки потребни за надополнување и обновување на мускулите веднаш по вежбањето, а доколку тогаш не се јаде, опоравувањето ќе трае подолго и поголеми ќе се шансите за прејадување подоцна.
5) Не јадете со часови
Многу поминати часови без јадење предизвикуваат поголем апетит кога ќе дојде време за храна, што пак води до зголемени порции како и „грицкање“ на помалку здрава храна.