Зависниците од чоколадо, сега ќе имаат добра причина да не се откажуваат од нивното омилено слатко задоволство. Според една нова студија, се покажа дека јадењето на мали количества темна чоколада во текот на денот, поволно влијае врз здравствената состојба.
Ова е поради составот на какаото кој содржи флавоноид, кој претставува природен антиоксиданс, кој исто така го има во чаевите, црвеното вино и кај некои видови овошје и зеленчук.
Флавоноидот кој го има во темното чоколадо, влијае на подобрување на функциите во кардиоваскуларниот систем.
Со едно испитување се покажа дека, со јадење на 6 грама темно чоколадо дневно, се намалува крвниот притисок во систолата и дијастолата, за 2 поени поединечно. Темното чоколадо може да помогне и во намалување на нивото на холестерол за околу 5 поени.
"Сметаме дека повеќето состојби на влошување на функционирањето на кардиоваскуларниот систем, се поради оштетување и воспаленија на мембраните во крвните садови, што го попречува циркулирањето на крвта," вели Роберт Шилер, семеен доктор во Mayo Clinic.
За да ги извлечете хранливите состојки од чоколадото, нема потреба да изедете цело чоколадо, бидејќи сепак содржи калории и влијае на дебелината.
Др. Шилер вели дека еден ред дневно, што содржи околу 30 калории, е доволно за позитивен ефект врз здравјето. Тој го препорачува темното чоколадо кое содржи барем 60% какао, бидејќи обичното млечно чоколадо содржи само 15-25% какао.