Повеќето жени низ светот мака мачат со вишокот килограми и со потребата да ја одржат својата витка линија. За разлика од нив светски познатите ѕвезди меѓу кои и латино дивата Џенифер Лопез речиси секогаш изгледаат беспрекорно и во топ форма.
Која е тајната?
Кога станува збор за Лопез, станува збор за таканаречената Дуканова диета, дело на неврохирургот Пјер Дукан, која за 5 дена гарантира дека ќе загубите 4 килограми од тежината.
Како функционира диетата?
Сè започнува со нагло губење на килограмите за само неколку дена бидејќи не смее да се внесува ништо друго освен белковини.
Првата фаза од диетата уште се нарекува и фаза на напад и трае од 5 до 10 дена, во зависност од тоа колку килограми сте во план да загубите.
Треба да јадете: пилешко и мисиркино месо, риба, телешко, јајца, немасно сирење и јогурт, бадеми.
Временски интервал: од пет до десет дена.
Во следната фаза започнувате да внесувате неограничени количества на зеленчук во својата диета. Поради ваквиот начин на исхрана губите по еден килограм неделно.
Треба да јадете: сите видови месо, млечни производи, сиров, обарен или на скара испечен зеленчук. Не претерувајте со компирите.
Временски интервал: колку што сакате со оглед на тоа дека неделно губите 1 килограм.
Откако ќе ја достигнете саканата тежина, можете да започнете со јадењето на оние намирници кои во првата фаза ги избегнувавте, како овошје, леб, полномасно сирење, тестенини...Можеби нема да губите килограми, но нема ни да ги наталожувате. Ако кон овој режим на исхрана се придржувате 5 дена уште поуспешно ќе ја задржите саканата тежина.
Треба да јадете: овошје, тврди сирења, тестенини. Два пати во текот на неделата можете да јадете торта, некоја калорична храна или нешто слично.
Траење: пет дена
Протеински ден
Откако сте ја стабилизирале тежината, влегувате во четвртата фаза. Во неа е допуштено сè, со тоа што барем еднаш во неделата ќе имате протеински ден во кој ќе јадете само протеини и ќе го изгубите сето она што сте го наталожиле во текот на денот.