Појадокот е најважниот оброк во денот – сите тоа многу добро го знаеме. Покрај тоа, овој оброк го снабдува организмот со енергија, па затоа внимавајте што внесувате во утринските часови. Кои намирници се забранети за појадок?
Шунка, сланина и колбаси
Преработеното месо содржи нитрати, а тие ги зголемуваат шансите за рак на дебелото црево. Двопек, малку сирење и варено јајце е далеку подобра и препорачлива алтернатива.
Чоколадни или засладени житарици
Некои житарици кои се наоѓаат во продавниците се полни со јаглени хидрати и шеќери. Кога ги консумираме, нивото на шеќер во крвта нагло расте и за брзо време се намалува. Доколку не сакате вашата енергија да опадне уште на самиот почеток на денот, бирајте житарици од цело зрно без никаков засладувач, полни со влакна и протеини. Во нив можете да додадете мелено ленено семе или ореви.
Тесто, крофни, печива
Покрај тоа што се прават со рафинирано бело брашно, овие намирници се полни со шеќери, за кои кажавме дека претставуваат најлош извор на гориво за утринските часови. Наглиот пораст па потоа опаѓање на нивото на шеќер во крвта ќе придонесе порано да огладнете, а на овој начин ќе ги зголемите и шансите за прекумерна тежина и дијабетес.
Light јогурт
Најчесто овој јогурт е полн со вештачки засладувачи и материи кои не се хранливи. Подобро е да се одлучите за регуларната варијанта на овој млечен напиток.
Мафини
Мафините се тешки и полни со масло, шеќери и бело брашно.
