Последните години јаглехидратите ги бие глас како лоши, нездрави и големи непријатели на витката линија. Но, тоа е премногу површно гледање на јаглехидратите бидејќи некои од нив се многу здрави и всушност може да ви помогнат во слабеењето. Ви претставуваме листа на јаглехидрати кои не би требало да ги избегнувате.
Пченка
Наспроти погрешното раширено верување, вистинската органска пченка е одличен извор на растителни влакна и витамин Ц, како и антиоксиданси кои се здрави за очите.
Банани
Неретко може да се слушне дека бананите дебелеат и дека содржат премногу јаглехидрати и шеќери, но всушност тие се одличен извор на витамин Б6, магнезиум, калциум и растителни влакна. Благотворно делуваат на здравјето на луѓето и навистина не би требало да ги избегнувате.
Бел компир
Сите знаат дека белиот леб, белиот ориз и белите тестенини не се баш најздравите намирници на светот. Но, сосема непотребно во тоа друштво се најде и белиот компир. Имено, тој содржи голема количина на калциум и витамин Ц, како и растителни влакна. Затоа, не плашете се од консумацијата на белиот компир.
Грашок
Да, грашокот има повеќе шеќери и јаглехидрати од другите видови на зеленчук, но тоа не треба да биде причина да го избегнувате. Грашокот е одличен извор на фитонутриенти кои се одликуваат со противвоспалителни својства и е здрав за женскиот репродуктивен систем. Исто така, постојат докази дека грашокот го штити дигестивниот систем од појава на карцином.
Житарки
Во последно време и житарките дојдоа на ред да ги бие лош глас. Но, повеќето од нив се направени од цело зрно, заради што нема никаква причина за паника. Житарките од цело зрно содржат вредни состојки, па затоа бирајте ги исклучително нив, за разлика од обработените варијанти кои се полни со шеќери.