Краставиците спаѓаат меѓу најдобрите намирници корисни за општото здравје на организмот. Еве какви ефекти има овој зеленчук врз нашиот организам:
Хидратација на телото
Доколку немате навика да пиете доволно вода, јадете ладни краставици бидејќи тие содржат дури 90 проценти вода.
Разладуваат
Краставиците се вистински избор за жешките денови, бидејќи го ладат организмот од внатре и од надвор. Доколку имате изгореници од сонце, на воспаленото место ставете ладни кругчиња краставица.
Елиминираат токсини
Водата од краставиците делува како прочистувач на организмот, а доколку редовно ги консумирате ќе ви помогнат да се ослободите дури и од каменот во бубрег.
Дневна доза на витамини
Краставицата содржи многу витамини, го зајакнува имунолошкиот систем и дава енергија. Доколку краставицата не е прскана со пестициди, не ја отстранувајте нејзината лушпа бидејќи истата е полна со витамин Ц и задоволува 12 проценти од дневната потреба на тој витамин.
Одлични за кожата
Краставиците се богати со калиум, магнезиум и силициум. Затоа постојат толку многу третмани за убавина во кои краставицата ја има главната улога.
За варење и слабеење
Заради големата содржина на вода и малиот број на калории, ова е супер намирница за сите кои имаат проблеми со варењето и со вишокот на килограми.
Го регулираат крвниот притисок
Краставиците содржат многу растителни влакна, калиум и магнезиум, кои делотворно го регулираат крвниот притисок, без разлика дали истиот ви е низок или висок.
Помагаат при констипација
Заради влакната кои ги содржат, караставиците се одлични за желудникот, а доколку ги јадете секој ден, тие помагаат и при хроничен затвор.