Храна која треба да ја избегнувате пред плажа

Доколку се подготвувате да одите на одмор каде што времето ќе го поминувате уживајќи на плажа, треба да имате на ум дека постојат неколку намирници кои би требало да ги избегнувате доколку не сакате да имате проблеми со варењето.

Еве кои се тие:

Газирани пијалаци

Пред да одите на плажа избегнувајте ги газираните пијалаци бидејќи тие се најголемиот причинител на подуеност во стомакот.

Солена храна

Иако не мора да значи дека ќе предизвика подуеност во стомакот, солената храна предизвикува задржување на течности во организмот. Затоа бирајте храна која има помалку натриум во себе.

Зеленчук од фамилијата на зелката

Иако кељот, брокулата и зелката се одлични намирници за слабеење, не е препорачливо да ги консумирате пред одење на плажа бидејќи истите предизвикуваат подуеност.

Гума за џвакање

Звучи потполно безопасно, но гумата за џвакање всушност може да предизвика подуеност и тоа затоа што со нејзиното џвакање се проголтува голема количина на воздух.

Слатки пијалаци

Доколку сте поборници на слатките пијалаци и коктелите на плажа, размислете уште еднаш бидејќи со природните шеќери и вештачките засладувачи кои се наоѓаат во овие пијалаци, високото ниво на фруктоза може да предизвика подуеност.

Млечни производи

Доколку имате било каков облик на интолеранција на лактоза, избегнувајте ги млечните производи пред да го облечете костимот за капење.