Физичарот Мануел Линарес (37) од Барселона го создаде Xamaleón сладоледот кој на големо изненадување на сите ја менува бојата. Истиот е направен од природни состојки и првично доаѓа во сина боја. Но, откако ќе биде испрскан со таканаречениот „љубовен елексир“ започнува да ја менува бојата. При секое лижење и топење од син, станува темно розов.
Линарес не го открива тајниот рецепт за својот необичен сладолед, но тврди дека неговите клиенти не треба да се грижат бидејќи сè e природно. Во моментот работи на уште два нови типови, од кои едниот ќе реагира на ултравиолетова светлина додека другиот ќе ја менува бојата од бела во розова како што ќе се јаде.
Сепак, револуцијата на сладоледите не застанува тука. Научниците сакаат да дознаат како се топи овој десерт во самата уста и што го прави толку омилен кај луѓето. Користејќи ја технологијата TDS, тие може да анализираат колку треба да биде ладен, кремаст и остар вкусот на совршениот сладолед.