Сезоната на праски е совршен повод за некоја вкусна пита или пак колач со ова слатко овошје. Но, многумина пред готвењето се откажуваат кога ќе се потсетат на макотрпното лупење на кората од праската. Меѓутоа, и за тоа постои решение, а по ова видео праските ќе ги лупите како од шала.
Кората на праската е тешка за лупење, а и лесно може да го оштетите нежното месо на овошјето. За среќа постои сјаен и едноставен начин тоа да го направите. Што е уште подобро, можете на овој начин да ги излупите и доматите.
Прво зоврете поголем сад со вода. Додека чекате водата да зоврие на секоја праска со нож направете два ситни резови во облик на буквата „X“, но немојте предлабоко да сечете. Кога ќе зоврие водата со помош на голема лажица во лонецот ставајте една по една праска. На праските ќе им бидат потребни од 20 секунди до две минути, во зависност од тоа колку се зрели и тврди.
Потоа со помош на големата лажица една по една праска извадите ги надвор и ставете ги во сад пол со мраз, со што ќе го запрете процесот на варење. Откако праските убаво ќе се изладат, земете нож за лупење и нежно излупете ја кората. За момент ќе ја излупите кората, а овошјето ќе биде неоштетено.
Погледнете го видеото