Можеби звучи необично, но истражувањето на научниците од Нов Зеланд открило дека постои поврзаност помеѓу консумацијата на овошје и зеленчук и целокупното задоволство од животот.
Во истражувањето учествувале 405 испитаници, кои секојдневно воделе дневник за нивната исхрана, а правеле забелешки и за нивното расположение. Исто така, тие пополниле и прашалници во кои биле опфатени прашања за нивните општи животни навики.
По обработка на податоците собрани од испитаниците за период од две седмици, научниците откриле дека оние кои секојдневно внесувале овошје и зеленчук биле значајно по љубопитни и покреативни и имале поголемо ниво на позитивни емоции. Исто така, тие биле повеќе заинтересирани за различни активности, а на нивниот живот без проблем му го согледувале значењето, вредноста и целта.
- Резултатите од ова истражување упатуваат на фактот дека исхраната може значајно да влијае на степенот на задоволство и среќа на поединецот, изјави предводникот на истражувањето, д-р Темлин Конер.
Научниците, чиј труд е објавен во списанието British Journal of Health Psychology, истакнуваат дека ова не е прво истражување кое ја открива тесната поврзаност помеѓу храната и расположението.
Логиката лежи во фактот што повеќето видови овошје и зеленчук содржат голема количина на витамин Ц, кој учествува во производството на допамин, кој пак, претставува невротрансмитер задолжен за подобрување на расположението, мотивацијата и фокусот.