Не знаете што да подготвите за утрешниот ручек, па поради тоа размислувате да купите бурек или пак некоја пита на враќање од работа од најблиската пекара или млечен ресторан?
Зошто да купувате нешто кое што можете лесно, брзо и едноставно да го направите дома и тоа да биде неколку пати повкусно од купечкото?
Ви претставуваме рецепт за бурек кој можете едноставно и брзо да го подготвите. Истиот можете да го комбинирате со кисело млеко, кисели краставички, таратор,или пак некој домашен пинџур.
Потребни состојки:
- 4 јајца
- чаша јогурт
- 1/2 чаша масло
- 2 чаши брашно
- кесичка прашок за пециво
- лажиче сол
- 250 гр. ситно сирење
- сецкана шунка (количина по желба)
- сецкана црвена кисела пиперка (количина по желба)
- сецкани кисели краставички (количина по желба)
- Лажичка оригано
Подготовка
Одвоено изматете ги белките и жолчките, па соединете ги.
Додадете јогурт и масло, измешајте ги состојките со дрвена лажица, потоа додадете го сирењето, брашното, прашокот за пециво, солта, ориганото, шунката, пиперките и краставиците.
Печете во намачкан плех на 200 степени додека бурекот не зарумени.