Сите ги сакаат легандарните вкусни „рафаело“ топчиња поради незаборавниот деликатен вкус, но и солената варијанта ќе биде пријатно изненадување за вашите гости.
Потребни состојки:
- 4 големи компири
- 150 гр. шунка
- 150 гр. мајонез
- лук
- 50 гр. рендан кашкавал
- лажица павлака
- сол, бибер
- црвен пипер по желба
Подготовка:
Компирот сварете го со лушпа, изладете го, излупете и изгмечете го. Додадете ја исецканата шунка, згмечениот лук, мајонезот, павлаката, солта и биберот.
Добро измешајте ја смесата со раце, направете бомбици и извалкајте ги во изренданиот кашкавал.
Доколку сакате, додадете малку „боја“ со тоа што дополнително ќе ги посипете со црвен пипер. Служете ги ладни.
Пријатен апетит!