Можеби никогаш не би претпоставиле дека овие намирници и состојки можат да бидат канцерогени, но истражувањата го потврдуваат токму тоа.
Инстант кафе
Содржи акриламиди, кои се состојат и во храната богата со јаглехидрати, подготвена на многу високи температури, како чипсот и пржените компирчиња.
Како да го избегнете?
Користете темно, пржено кафе, бидејќи тоа содржи најмала количина на акриламиди. Компирчињата не ги пржете во фритеза, а ќе помогне и доколку компирите ги потопите во вода два часа пред печењето, како би се отстраниле сите лоши состојки.
Рибино масло
Journal of National Cancer Institute објави дека високите дози на омега 3 масните киселини можат да предизвикаат рак.
Како да го избегнете?
Држете се до прпорачаната дневна доза. Авторот на студијата, д-р Теодор Браски, советува да се јадат по 2 оброци масна риба на неделно ниво.
Хартиени чаши за кафе
Покрај тоа што се лоши за вкусот, хартиените чаши за кафе се лоши и за вашето здравје бидејќи содржат стирен, состојка која може да биде канцерогена, како што наведува американската International Agency for Research on Cancer.
Како да ги избегнете?
Доколку веќе купувате кафе за носење, со себе понесете термос, па замолете ги во кафулето во него да ви го подготват кафето.
Кафеав ориз
Научниците од Aberdeen University откриле дека кафеавиот ориз содржи повеќе арсен во надворешниот дел, за разлика од белиот ориз.
Како да го избегнете?
Пред да го искористите за готвење, добро измијте го. Размерот на вода и ориз би требало да ви биде 6:1, на пример на 50 гр ориз да ставите 300 мл вода. Се препорачува да не го консумирате повеќе од два пати во текот на една недела.