Егзотичното овошје кое го нарекуваме јапонско јаболко, крие сладок медов вкус под портокаловата кора. За жал, многу од нас не му го даваат значењето кое го заслужува бидејќи не се свесни за благодетите кои ги нуди ова „овошје на боговите“.
Кога е недозреано, јапонското јаболко го отрнува јазикот, заради што многумина имаат аверзија. Но, во зрела форма со темнопортокалова боја, покрај тоа што изобилува со витамини, минерали и антиоксиданси, ова овошје кое оригинално потекнува од Кина, има и убав вкус и мирис.
Еве неколку причини зошто треба да почнете да ги консумирате јапонските јаболка:
- Содржат многу малку калории (70 cal/100 g) и се богат извор на влакна.
- Изобилуваат со антиоксиданси кои се познати по тоа што го спречуваат настанувањето на тумори и имаат портиввоспалително дејство.
- Свежите плодови содржат витамин А, бета каротен, ликопен, лутеин, зексантин и крипоксатин. Овие соединенија играат важна улога во борбата против слободните радикали на кислород, кои го предизвикуваат стареењето, како и различни болести.
- Јапонските јаболка се одличен извор на витамин Ц, кој особено ни е потребен за зајакнување на имунитетот.
- Содржат многу важни витамини од Б групата, како што е Б6. Овие витамини помагаат во разни метаболитички функции во телото.
- Свежите овошки содржат значајна количина на калиум, магнезиум, бакар и фосфор.