Во овој пијалок ги имаме сите прекрасни божиќни зачини како анасон, цимет и мускатно оревче, вели за својата верзија на овој вкусен зимски пијалак, славниот Џејми Оливер.
Потребни состојки:
- 2 литри вино
- 1 лимета
- 300 гр. шеќер
- 6 каранфилчиња
- 1 стапче цимет
- 1 стапче ванила
- 3 ловорови листови
- 1 мускатно оревче
- 2 парчиња анасон
Познатиот британски готвач Џејми Оливер смета дека неговата верзија на варено вино е како Божиќ во чаша кое не смее да се пропушти.
- Тука се сите божиќни зачини кои ги обожувате, а потсетуваат на овој празник. Слободно поиграјте си со вкусовите и нема да згрешите, советува Џејми.
Подготовка:
Сипете шеќер, кората и сокот од лиметата во поголем сад. Додадете ги потоа сите зачини. Сипете толку вино колку е потребно за да го залиете шеќерот и варете додека смесата не стане како сируп. По десетина минути додадете го остатокот од виното. Измешајте и послужете.
Наздравје!