Ова време од годината е совршено за да се топлите по дома и да подготвувате вкусни божиќни колачиња. Ние овојпат решивме да ви понудиме рецепт за слатки ѕвездички, а доколку користите мармалади од разновидно овошје, тогаш ќе добиете и разнобојни колачиња.
Потребни состојки:
За тесто:
- 250 гр. маргарин (или 200 гр. путер)
- 500 гр. брашно
- 150 гр. шеќер
- 2 јајца
- 1 ванилин шеќер
За филот:
- Мармалад
- Прав шеќер за посипување
Подготовка:
Измешајте го брашното, шеќерот и прашокот за печење и ванилиниот шеќер. Додадете го исецканиот маргарин и замесете ја смесата. Потоа додадете јајца и уште еднаш премесете.
Расукајте го тестото, па потоа со модла вадете ѕвездички. На секоја втора ѕвезда со помала модла во вид на ѕвездичка извадете ја средината. Доколку немате модли, тогаш сечете го тестото со нож во вид на ѕвезди.
Испечете го тестото. Откако ќе добиете кекс, спојте ја полната и ѕвездичката со дупка во средината намачкајте со мармалад. Истото направете го и со помалите ѕвездички, па сервирајте ги заедно со големите. Сите посипете ги со шеќер во прав.