Детоксикацијата на организмот се препорачува да се прави неколку пати годишно, особено после празниците, кога повеќето од нас уживаат во масната и не толку здрава храна.
Кога долго време консумирате токсична храна, органите за прочистување (црниот дроб и бубрезите) не се во состојба да ги елиминираат сите токсини, па сите лоши намирници се задржуваат во организмот како масни наслаги.
Секој процес на детоксикација на организмот подразбира внес на голема количина на течности. На прво место секако е водата, а потоа незасладените чаеви и природните, свежо исцедени сокови.
Ви претставуваме рецепт за ефикасен детокс напиток - зелено smoothie.
Потребни состојки:
- 250 гр спанаќ
- 1 лимон
- 1 портокал
- малку ѓумбир
- 1 замрзната банана
- 200 мл бадемово или кокосово млеко
- неколку коцки мраз
Исчистете го овошјето, исечкајте ги бананата и ѓумбирот и ставете ги сите состојки во блендер. Прво ставете ги млекото и спанаќот, а потоа сите останати намирници.
Вклучете го блендерот на најмалата брзина за најпрво да се изблендираат млекото и спанаќот. Набрзо мразот и бананата ќе се спуштат на дното, а потоа и останатите намирници ќе им се придружат, па тогаш кога ќе почне да се меша целата смеса, зголемете ја брзината на блендерот.
Кога ќе се уверите дека спанаќот и ѓумбирот се дорбо сомелени и имате хомогена смеса, вашиот детокс напиток е готов. Испијте една чаша од smoothiе-то наутро, а другата количина оставете ја за попладне. За да се постигне ефект, се препорачува овој напиток да се пие неколку дена по ред. На здравје!