Супер појадок: Мафини за поголеми мускули

Доколку ви се здодеани утринските варијанти за појадок, ви предложуваме да ги испробате овие забавни, хранливи и разновидни мафини кои се богати со протеини и ќе ви овозможат добро да го нахраните телото, а особено мускулната маса.

Потребни состојки:

• тавче за мафини
• малку масло за подмачкување
• јајца
• 4-5 чери доматчиња
• ½ рака магдонос
• 1 рака спанаќ
• 50 грама печеница/шунка/пршута
• малку сол и бибер

Подготовка:

Подмачјате го тавчето за мафини со малку масло и во секој калап ставете по едно јајце, додавајќи малку сечкани домати, спанаќ, магдонос и сувомеснато. Посолете и додадете ги останатите суви зачини по желба.

Печете во загреана рерна на 180 степени околу 20 минути, а доколку сакате да бидат ровки, можете да ги извадите и после само 10 минути.

Добар апетит!