Ви го претставуваме највкусниот појадок кој со нетрпение ќе чекате да го консумирате! Истиот многу е здрав, па покрај сетилото за вкус, и телото ќе ви биде навистина благодарно.
Сепак, овој појадок не треба да го консумирате буквално секој ден бидејќи е нешто покалоричен. Но, кога чувствувате дека заслужувате награда или потребна ви е многу енергија за претстојните обврски и активности, ова е полн погодок за вас!
Највкусното и здраво смути се прави навистина лесно, а можете да го послужите и наместо десерт.
Потребни состојки:
- половина шолја бадемово млеко
- 1 голема банана
- 2 лажици путер од кикирики
- 2 лажици какао во прав
- некоклу коцки мраз
Подготовка:
Ставете ги сите состојки во блендер и добро измиксајте за да добиете хомогена течност. Добиеното смути украсете го со парченце банана и чоколадни трошки, ставете сламка и уживајте.
Неколку причини плус за да го направите:
- Путерот од кикирики е природен извор на протеини, јаглехидрати и масти, па одличен е за оние кои се физички активни.
- Какаото содржи многу антиоксиданси и претставува одлична храна за мозокот.
- Бананите се борат против депресија, нè прават попаметни, лечат мамурлак, ја олеснуваат утринската мачнина, спречуваат рак на бубрезите, диабет, остеопороза и слепило.
- Бадемовото млеко изобилува со витамин Д, витамин Е, калциу, магнезиум, селен и протеини. За разлика од кравјото млеко, бадемовото не содржи лактоза, холестерол и заситени масти.