Сите го обожаваме чоколадото Милка, а уште подобро би било кога би можеле и дома да си направиме нешто со ист вкус. Израдувајте ги вашите најмили со Милка торта, која ќе ја направите за 30-тина минути и тоа без печење.
Состојки за подготовка:
- 1л. млеко
- 10 лажици кафеав шеќер
- 3 пудинга од ванила
- 300гр. млечно Милка чоколадо
- 100гр. бело Милка чоколадо
- 500мл. слатка павлака
- 200гр. бисквити (по желба)
Начин на подготовка:
Направете го пудингот со целото млеко. Пудинг смесата поделете ја на два еднакви дела, па во едниот дел ставете млечно, а во другиот бело чоколадо. Мешајте додека чоколадото не се стопи. Потоа, оставете ги смесите да се изладат.
Изматете ја слатката павлака, па ¼ од добиената смеса истурете ја во двете смеси. Во тркалезен калап ставете фолија на дното и од страните, па истурете ги црната и белата смета. Малку измешајте ги за да се формираат црно-бели шари. Потоа додавајте го остатокот на слатката павлака, па повторно чоколадото на ист начин со промешување.
Бисквитите натопете ги во млеко и редете ги врз смесата. Потоа преку колачот ставете фолија и ставете ја во фрижидер добро да стврдне. По неколку часа, извадете ја тортата од фрижидер, превртете ја на некоја тркалезна чинија, така што бисквитите да дојдат на дното и извадете го калапот.
Милка тортата можете да ја декорирате по ваша желба. Уживајте!