Љубителите на ова највкусно пролетно овошје ќе бидат водушевени со овој десерт кој се топи во устата.
Потребни состојки:
- 1 шолја исечкани јагоди
- половина шолја шеќер
- 5 лажици вода
- 3/4 лажичка желатин
- малку сол
- 2 белки
- 1/4 лажичка екстракт од ванила
- половина шолја павлака
Подготовка:
1. Во блендер изматете исецкани јагоди со шеќер така што ќе добиете соединета смеса.
2. Во голем сад сипете 2 лажици вода и помешајте со желатин. Оставете околу 5 минути.
3. Шест лажици шеќер, малку сол и останатите три лажици топла вода загрејте ги на средна температура додека не започне да врие и додека шеќерот не се стопи. Варете така околу 4 минути.
4. Белките додадете ги со желатин и матете додека не добиете пенеста смеса, потоа постепено додадете ја преостанатата лажица шеќер и матете додека не добиете цврст шлаг. Во шлагот додадете топол шеќерен сируп, па матете со миксер, најпрвин на средна, а потоа на голема брзина, додека не добиете цврст шлаг. Додадете го потоа екстрактот од ванила.
5. Додадете ја слатката павлака и постепено сипете го шлагот од белки, а потоа и кремот од јагоди. Сето тоа внимателно измешајте го. Распоредете го мусот во неколку садови и ладете во фрижидер барем 2 часа. Послужете го мусот декориран по ваша желба.