Брчките околу очите и усните се двата најочигледни знаци кои покажуваат дека нашето лице започнало да го чувствува притисокот на времето. Иако не можеме во целост да ги избришеме и да го одложиме стареењето постојат повеќе начини и третмани со кои истите стануваат помалку забележливи, а нашата кожа ја задржува еластичноста и мекоста.
Линиите околу усните настануваат од две причини. Првата е постојаното користење на устата, додека втората се однесува на губењето на колагенот и еластинот поради што линиите стануваат позабележливи, а кожата потенка.
Третмани во 30-те и раните 40-те години од животот
Во овој период се препорачува користење на третмани и креми со хијалуронска киселина чии ефекти можат да траат од 12 до 18 месеци. Филерите со оваа киселина ги мазнат линиите и го враќаат младешкиот изглед на кожата.
Третмани во средните 40-ти и 50-те години од животот
За оваа возраст најдобро функционира ботоксот што овозможува пополнување на вдлабнатините, а со тоа и поплитки линии.
Третмани во 60-тите
Одлична опција за мазнење на сега веќе длабоките линии се ласерските третмани кои ја затегнуваат кожата и ја намалуваат видливоста на брчките.
Природни начини за намалување на видливоста на линиите
- сок од лимон – исечете половина лимон и нанесете врз линиите. Витаминот Ц ги неутрализира слободните радикали и го враќа сјајот на кожата.
- паста од авокадо- изгмечете малку авокадо и во него додадете мед и јогурт. Маската нанесете ја околу устата и оставете да дејствува 20 минути. Авокадото е богато со витамин Е кој ја омекнува кожата и ги мазни линиите.
- листови зелка –земете неколку листови зелка ставете ги во блендер и додадете малку мед. Потоа добиената паста нанесете ја на лицето. Зелката содржи бета каротен, витамин Ц и селениум кои го успоруваат стареењето и ја враќаат младешката виталност на кожата.
- кокосово масло- во малку кокосово масло ставете шеќер, па потоа нежно измасирајте ја кожата каде што се линиите. На крајот измијте со млака вода.