Сакате да го задржите партнерот покрај себе, но никако не ви тргнува од рака?
Понекогаш вината не е во мажите, туку во женското однесување. Дали сте една од оние жени која ги одбива мажите со своите хирови?
Во принцеза фазон – убава фасада, но катастрофално држење. Можеби ќе му се допаднете на прв поглед ама откако ќе почнете да изведувате драми бидете сигурни дека за кратко ќе фати магла што подалеку од вас. Мажите сакаат убави нешта, но не и напорни.
Глумење трофеј – тој може да ја плати сметката, но не и летниот одмор. Ако сте од оние девојки кои го цицаат џебот на својот партнер немојте да се зачудите кога ќе ве замени со некоја „поевтина“ опција.
Сè споделувате со пријателките – ништо страшно ако им кажете на своите пријателки каде сте биле и како сте си поминале, но навистина немате потреба да споделувате важни детали околу интимните нешта за кои ви се доверил. Некои теми треба да останат само меѓу вас.
Постојани испади - кога жената ја префрла својата несигурност на мажот тоа речиси секогаш резултира со распаѓање на врската. Доколку сакате да го задржите покрај себе контролирајте ги љубоморните испади и контролата која сакате да му ја наметнете.
Премногу размислување – жените понекогаш имаат ужасна навика премногу да ги анализираат зборовите кои што ќе им ги каже партнерот. Па, така се губат во толкувањето и наместо да уживаат во моментот, од мравка прават слон.
Лошо однесување кон неговите пријатели – како што жените сакаат да имаат време кое би го поминале со пријателките, така и мажите имаат потреба од своите пријатели. И да не ви се допаѓа некој од нив, морате да го почитувате изборот на вашиот партнер, зошто тој најдобро знае зошто ги избрал токму тие луѓе.