Она што фаталните жени ги прави неодоливи за мажите, се крие во неколку клучни и суштински особини. Тоа значи дека апсолутно не мора да се трудите да изгледате како порцеланска кукла и да се оптоварувате со неважни детали за да им се допаднете на припадниците на посилниот пол.
Доколку ги поседувате овие доблести, можете да го освоите секој маж на оваа планета.
Насмевка
Не мислиме на бесмислено кикотење на неговите глупави смешки, туку на онаа искрена насмевка, од срце, која е најдобар афродизијак за мажите.
Сексапил
Тоа не е ни тесно фустанче во кое не можете да дишете, ниту најнови потпетици во кои не можете да направите ни неколку чекори, туку енергијата која ја поседувате, со која ги привлекувате мажите како магнет. Можете да бидете сексапилни и во тесна бела маица и широки фармерки, расфрлени локни и лице без шминка. Сè додека го имате „она“ нешто, кој маж и да изберете, ќе биде ваш.
Самодоверба
Кога ќе почувствувате дека имате многу самодоверба, нема шанси тој да не „падне“ на вас. Жената која се сака и се цени себе си е едноствно фатална. Чекорете храбро, подигнете ја главата, со погледот уверливо поминувајте преку другите луѓе. Да, тоа е клучот на успехот!
Значи, не мора да бидете облечени по последната мода, ниту да бидете убавица од светски размери за да бидете моќна освојувачка.