Секој од нас има различни потреби и приоритети кога станува збор за љубовните врски. Сепак, според истражувањата изгледа дека кај повеќето парови постојат три нешта кои се особено важни за односот со партнерот да биде хармоничен.
Студијата „The way we are now 2015 “ во која што учествуваа 6000 луѓе покажа дека иако сексуалните односи се еден од најзначајните фактори во врските, истите не влегуваат во трите главни приоритети.
Тогаш што е најважно?
Искреноста -70 проценти од анкетираните испитаници се согласни околу тоа дека токму искреноста е најважна за функционирањето на односот. Доколку ја нема, секоја врска е осудена на пропаст, па само прашање на време е кога ќе се распадне.
Комуникацијата – втора на листата е комуникацијата за која се определија 67 проценти од испитаниците. Благодарение на квалитетната комуникација помеѓу партнерите секој проблем може да биде успешно решен и да бидат избегнати понатамошни недоразбирања.
Посветеност – нешто повеќе од половина од анкетираните изјавиле дека сакаат партнер односно партнерка кој што им е посветен и се грижи за нив, па со тоа посветеноста е третиот најважен фактот за да една врска биде успешна.
