Хороскопот може да ни открие многу работи, меѓу кои тоа дали имаме изразена интуиција. Во главно, тоа е врската помеѓу Асцедент, дванаесетто поле, Плутон и Нептун. Она што е исто така важно е и дали личноста работи на тоа да го следи тоа внатрешно чувство и да го сфати на правилен начин. На сите ни се случува да почувствуваме нешто, но некои не придаваат големо значење или претчувството го поврзуваат со нешто што нив им одговара, што секако ја намалува способноста која ја имаат.
Интуицијата е нешто што ни помага да донесеме права одлука, но некои луѓе тоа не го користат. Утврдено е дека преку астролошка анализа, најсилна интуиција имаат Скорпиите и Рибите, а тука е и Стрелецот.
Рибите може да сонуваат некои работи кои подоцна ќе се случат или укажуваат на некое важно случување и тие некако најлесно ги препознаваат „знаците“. На рибите мошне им е важно да пронајдат внатрешен мир, и ако не го пронајдат, често се оддаваат на пороците и на тој начин бегаат од реалноста. Сепак, ако сериозно се посветат на себе, многумина ќе доживеат просветлување. Нивното мото е „јас чувствувам“ и во главно се водат со тоа што го претчувствувале.
Скорпиите имаат способност преку поглед да прочитаат што мисли некој. Тие имаат истечено чувство за сè и длабоко ги доживуваат сите случувања, па поради тоа способни се да претчувствуваат што ќе се случи. Овој знак точно ги чувствува вибрациите кои доаѓаат било од личност или од некоја случка. Секогаш чувствуваат нешто само што понекогаш го игнорираат тоа и не се препуштаат секогаш на интуицијата, бидејќи се желни за акција. Ова особено е изразено кога се работи за љубов.
Стрелецот е знак кој исто така може да се карактеризира како изразито продуховен, само прашање е дали работи на себе. Ако ја постигне таа внатрешна рамнотежа, може сериозно да проработи на својата интуиција и да ја следи, што може да го заштити во некои незгодни ситуации. Овој знак има огромни капацитети, само за жал, не ги искористуваат сите. Има среќа интуицијата непогрешно да му претскажува опасности, но и добри прилики, меѓутоа нема да успее ако не го разработи во себе чувството на внатрешно задоволство.