Се сеќавате на Пандорината кутија во која беа скриени сите неволји и беди на светот? Велат дека љубопитноста ја убила мачка. Велат и дека мачката има 9 животи, па може да си дозволи, но што е со луѓето?
Тим на научници од Универзитетот од Висконсин – Медисон од Чикаго сакал да утврди како реагираат луѓето на Пандориниот ефект, односно колку се љубопитни во одредени ситуации. Резултатите покажуваат дека во многу од нас се крие по некоја Пандора.
За време на истражувањето на испитаниците им било овозможено да избираат помеѓу 3 типа на пенкала, црвени, зелени и жолти. Црвените предизвикувале благ електрошок, зелените биле безопасни, а кај жолтите постоела неизвесност во исходот, односно испитаниците можеле и да добијат и да не добијат електрошок. Погодете каков е епилогот! Најголем број од испитаниците избрале жолти пенкала.
Резултатите ги потврдува уште еден експеримент направен со 48 симболи. Испитаниците на компјутерски екран кликнувале на 3 типа на икони. Едни со пријатен звук, други со морбиден звук и трета категорија во која може да им се погоди било кој од двата претходно наведени звуци во зависност од среќата.
Повторно најголемиот дел од испитаниците го избрале одговорот со најнепредвидлив исход, што потврдува дека луѓето најчесто се определуваат за онаа опција која најмногу ја буди нивната љубопитност.